Busy....

Ang hirap ng may trabaho, busy ako masyado ngayon kaya tigil muna sa kalokohan dito sa blog. Pero nakakamiss talagang magsulat ha, kaya lang wala talagang oras sa ngayon (I mean may oras pero hindi ako libre sa ngayon) hindi libre magsulat. Pwede siguro konting chat at check ng email o update ng friendster. Pero magsulat para sa blog, malabo sa ngayon... busy nga ako diba?

Nakakaloka, dati gusto kong maghanap ng trabaho, ngayong meron na ito naman at naaasar ako dahil nga sa sobrang busy! Biruin mo gigising ka sa oras na gusto mo, pwede kahit abutin ka ng maghapon sa higaan, tapos magbabasa ng mga trip basahin, kakain, maliligo at kapag naisipan magtrabaho, magtatrabaho. Aalis ng bahay at pupunta sa mga internet cafe. Yun ang trabaho ko, kaya masyadong busy talaga. Hawak ang oras at walang boss, magrereport lang kung tatawagan sa mga update sa field un lang. Kaya nga nakakapagod palang talaga magtrabaho! Lalo na itong trabaho ko ngayon, may allowance at medyo ok ang salary! At walang time in or time out ha as in free ka sa oras! Kaya naiinis ako! Namimiss ko dati kong work na magkakandarapa sa umaga para hindi malate sa pagpasok para iwas salary deduction, magrereport sa office, pupunta sa field, babalik sa office para gumawa ng report, makikipag meeting sa boss, mumurahin, sesermonan at uuwi ng hating gabi sa dami ng trabaho. Nakakamiss talaga! Biruin mo halos apat na taon akong ganun araw-araw, tapos ito ngayon nalalanta katawan ko sa walang ginagawa... parang magkakasakit ako sa boredom. Kaya tuloy hindi ako makapagsulat kahit man lang sa blog! Dahil sa sobrang nakakatamad na trabaho!

Hay naku hindi bale, baka naman ito lang ang break ko matapos ang apat na taong pagkakaalipin sa isang pasaway, kuripot at masamang ugaling hudyo na boss ko dati. Ok fine... pero mahirap palang talaga baguhin ang nakasanayan na. Na mimiss ko ang mamura, masalary deduction, at mapagalitan araw-araw. Mag-apply kaya ulit ako dun?...