Review at Komento - MEMOIRS OF KLITORIKA ... the book

May isang mapalad na nilalang ang nakapagbasa na ng libro ko siya po si William, isa rin po siyang manunulat. At ito po ang kanyang mga naging komento o critic sa nasabing libro.

Hi Klitorika

Binasa ko pagdating sa bahay kagabi ang iyong libro at natapos ko ng isang upuan lang ang pagbabasa.Wala akong nakikitang problema sa paraan ng pagsusulat, mahusay ang istilo ng pagkakasulat at pagkakahanay ng mga kaisipang nakapaloob sa iyong libro. Katunayan nga ay makapukaw damdamin ito.
Matindi pala ang nilalaman nito ha! Nung una pagtalakay lang ito sa pagsibol ng isang babae patungo sa pagkadalaga. Dahil tinalakay mo ang pagkakaroon ng crushes, pagkakaroon ng regla atbp. Pero unti-unti nitong dinadadala ang mambabasa sa kung ano ba talaga ang kahulugan ng salitang Klitorika, na tumatalakay sa isyung seks. Mapangahas ang liro mong ito dahil ito ay pagbaluktot sa pananaw nating Pilipino na ang babae ay dapat sa isang lalake lang nakikipagtalik, sa kanyang kapareha o asawa.
Natitiyak kong maraming magre-react at masasagasaan ng librong ito hindi lamang ang mga babaeng konseratibo kundi lalo na yaong mga lalakeng hindi nila tanggap na ma kasawsaw sila sa kanilang karelasyon. Alam mo na, palasak sa atin ang kasabihang, sa lalake walang mawawala pero sa babae ay mayroon. Humahanga ako sa iyong kapareha dahil napakabait niya dahil kung ibang tao siya ay sa hiwalayan din kayo mapupunta. Pero sabi mo nga nasa tao naman ang pagtingin ng isang bagay kung moral o imoral ba ang aksyon ng isang tao.

Tunay na napaka-kompilakado ng relasyon ninyo ng bf mo. Pero kahit ganun ay nanduon pa rin ang pagsaalang-alang mo sa iyong pamilya.

Well, eto lang naman ay reakson ko batay ko sa aking nabasa. Natitiyak kong magiging kontrobersiyal ang libro mong ito dahi hindi ito fiction kundi true to life. Humahanga ako sa tapang mo sa pagsasapubliko ng iyong karanasan.

Muli, Klitorika, goodluck sa iyo at dalaw-dalaw lang sa blog ng bawat isa.

Ingatz!

William